Pagmumuni-muni

Sa isang mundo na puno ng ingay, kompetisyon, at paghahangad ng pansin, tinatawag tayo ni Pablo sa isang kakaiba ngunit makapangyarihang uri ng pamumuhay — ang tahimik na buhay na may integridad.

Tatlong bagay ang itinuro sa atin ng talatang ito:

1. “Mamuhay nang tahimik”

Hindi ito nangangahulugang walang pakialam, kundi ang piling-piling pananalita, disente at maayos na pamumuhay, at iwas sa tsismis, alitan, at kaguluhan. Ang taong tahimik ang buhay ay madalas may kapayapaang galing sa Diyos.

2. “Asikasuhin ang sariling gawain”

Huwag maging abala sa buhay ng iba, kundi ituon ang pansin sa sariling tungkulin. Ito’y paalala laban sa pagka-usyoso at pagkukumpara. Sa halip na tingnan ang tagumpay ng iba, pagbutihin mo ang tinawag sa’yong gawin.

3. “Magtrabaho gamit ang sariling mga kamay”

Ang pagsisikap ay bahagi ng ating pagiging saksi kay Kristo. Ang masipag, tapat, at maayos na paggawa ay uri ng pagsamba na nagpapakita ng disiplina at kabutihan ng Diyos sa ating buhay. Hindi kailangan ng malaking posisyon para maging epektibong patotoo—ang simpleng buhay na tapat ay sapat na.

1. Tahimik ba ang iyong buhay—o laging abala sa gulo, tsismis, o labis na stress?

2. Sa iyong trabaho o pang-araw-araw na gawain, nakikita ba si Cristo sa iyong disiplina at integridad?