Pagmumuni-muni

Ang mga talatang ito ay isa sa pinakamatibay na pangako ng Diyos sa mga mananampalataya—na ang ating Panginoong Hesus ay babalik muli, at lahat ng naniwala sa Kanya ay makakapiling Niya magpakailanman.

Ang mga taga-Tesalonica noon ay nagdadalamhati, iniisip kung anong mangyayari sa mga mahal nila sa buhay na namatay na. Pero sa pamamagitan ng sulat na ito, nilinaw ni Pablo:

1. Walang maiiwan sa plano ng Diyos

Ang mga namatay kay Kristo ay bubuhayin muna. Hindi sila nakalimutan. Sa halip, sila ang unang makakaranas ng tagumpay ng muling pagkabuhay.

2. Tayong mga buháy ay sasalubong sa Panginoon

Kapag dumating ang Panginoon, lahat ng buhay na mananampalataya ay dadalhin sa Kanya—kasama ng mga muling nabuhay. Isang gloriyosong tagpo na walang kapantay.

3. Makakapiling natin ang Panginoon magpakailanman

Ito ang sukdulang gantimpala: ang walang hanggang presensya ni Kristo. Wala nang luha, sakit, o paghihiwalay.

Ito ang tunay na “buhay na walang hanggan.”

4. Palakasin ninyo ang loob ng isa’t isa

Hindi lang ito para sa impormasyon. Ang pagbabalik ni Kristo ay hindi kwento ng takot, kundi mensahe ng pag-asa. Mamuhay tayong handa, may galak, at may pananabik sa muling makita sa ating Panginoon. Kapag tayo ay nangungulila, natatakot, o pinanghihinaan ng loob, ang muling pagdating ng ating Panginoong Hesus ang ating pag-asa.

1. Nabubuhay ka ba na may pag-asang muling darating si Hesus?

2. Sa panahon ng kalungkutan, paano mo naaalala at naipapaalala ang pag-asa ng langit?