Pagmumuni-muni

Napakadaling mawalan ng gana kapag ang ginagawa natin ay hindi napapansin o nabibigyan ng halaga ng tao. Lalo na kung ang ating pinaglilingkuran ay hindi marunong magpasalamat o kung tila walang nagmamalasakit sa ating ginagawa.

Pero pinaaalalahanan tayo ng talatang ito: Ang tunay na layunin ng ating paggawa ay hindi upang mapansin ng tao, kundi upang mapalugod ang Diyos. “Gawin ninyo ito nang buong puso…” Ibig sabihin: walang kalahating loob, walang reklamo, walang pag-aalinlangan.

Hindi dahil sa sinuman, kundi dahil para sa Panginoon.

Ang bawat gawain—maging ito man ay paglilinis, pag-aalaga sa pamilya, pagtatrabaho, o paglilingkod sa simbahan—ay may saysay kung ito'y iniaalay sa Diyos. Walang maliit o hindi mahalagang bagay sa mga kamay ng taong tapat sa Panginoon.

Sa mata ng Diyos, ang ginagawa nang buong puso para sa Kanya—malaki man o maliit—ay mahalaga at may gantimpala. Magtrabaho na parang ang Diyos ang Boss mo.

1. Para kanino mo ba ginagawa ang mga gawain mo araw-araw?

2. Ginagawa mo ba ito nang may buong puso, na parang para kay Kristo?