Pagmumuni-muni

Ang pagsisimula ng pananampalataya ay mahalaga—ngunit hindi doon natatapos ang ating paglalakad kay Cristo. Ang paalala ni Pablo sa Colossians 2:6 ay simple pero malalim:
Tinanggap mo si Jesus bilang Panginoon? Kung gayon, mamuhay ka nang ayon sa Kanya.

Maraming tumatanggap kay Jesus bilang Tagapagligtas, pero nakakalimutang Siya rin ay Panginoon — na nangangahulugang Siya ang may kapangyarihan at pamamahala sa ating buhay. Ang pamumuhay na karapat-dapat kay Cristo ay nangangahulugang:

• Pagsunod sa Kanyang kalooban

• Pagkakaroon ng ugaling tulad Niya

• Pamumuhay na may pananampalataya at katapatan sa araw-araw

Hindi sapat ang simula lamang. Ang tunay na pananampalataya ay makikita sa araw-araw na pagsunod—sa maliliit at malalaking desisyon, sa pagtrato sa kapwa, sa pananalita, at sa paraan ng pamumuhay.

1. Kumusta ang pamumuhay mo bilang tagasunod ni Cristo? Nakikita ba sa iyo na Siya ang iyong Panginoon?

2. May bahagi ba ng buhay mo na kailangan mong ipasakop muli sa Kanya?