Pagmumuni-muni

Kapag tayo ay nakay Kristo na, may bago na tayong buhay—hindi lamang pisikal, kundi espiritwal. At dahil dito, dapat magbago rin ang takbo ng ating isipan at direksyon ng ating puso.

Ang utos ni Pablo ay simple pero mabigat: “Ituon ninyo ang isip ninyo sa mga bagay na nasa langit.” Ibig sabihin nito ay:

• Pahalagahan natin ang mga bagay na mahalaga sa Diyos.

• Huwag tayong maipit sa mga bagay na panandalian lang sa mundong ito—kayamanan, kasikatan, o kaginhawaan.

• Mamuhay tayo na may pananaw sa kawalang-hanggan, hindi lang para sa kasalukuyan.

• Hindi ibig sabihin na hindi na tayo dapat magtrabaho o magplano. 

Pero ang tanong ay:

• Ang mga ginagawa mo ba ay nagpapakita ng puso’t isipan na nakatuon sa langit?

• Kung si Kristo na ang sentro ng ating buhay, ang layunin natin ay hindi na para sa sarili, kundi para sa Kanya.

1. Ano ang mas madalas mong iniisip—ang mga bagay ng Diyos, o ang mga bagay ng mundo?

2. Paano mo maipapakita sa araw-araw na ang isip mo ay nakatuon sa langit?