Pagmumuni-muni

Ang bautismo ay hindi lamang isang seremonyang panrelihiyon—ito ay malalim na larawan ng ating pagkakaisa kay Cristo. Sa talatang ito, itinuturo ni Pablo ang tatlong mahahalagang katotohanan:

1. Tayo'y inilibing kasama ni Cristo. Nang tayo'y mabautismuhan, iniwan natin ang ating dating pagkatao—ang lumang buhay ng kasalanan ay namatay na.

2. Tayo'y muling binuhay kasama Niya. Ang muling pagkabuhay ni Cristo ay hindi lang pangyayari ng nakaraan. Ito rin ay larawan ng bagong buhay na tinanggap ng mga sumampalataya at sumusunod kay Kristo. 

3. Ang lahat ng ito ay sa pamamagitan ng pananampalataya sa kapangyarihan ng Diyos. Hindi ito galing sa ating kabutihan, kundi sa makapangyarihang gawa ng Diyos na muling bumuhay kay Cristo mula sa kamatayan.

Ang buhay na may pananampalataya kay Cristo ay isang bagong simula. Hindi mo kailangang manatili sa pagkakagapos ng nakaraan. Ikaw ay buhay na muli—kasama Niya.

1. Nabubuhay ka ba ngayon sa liwanag ng bagong buhay na ibinigay sa’yo ni Cristo?

2. May mga bahagi ba ng buhay mo na tila bumabalik sa “lumang pagkatao”?