Pagmumuni-muni

Sa panahon ngayon, maraming katuruan at pilosopiya na tila makatwiran, maganda ang pananalita, at nakakaakit sa damdamin—ngunit wala kay Kristo ang sentro. Kaya mariin ang babala ni Pablo:

• "Mag-ingat kayo..."

Ang mga panlilinlang na ito ay maaaring pumasok sa ating isipan sa pamamagitan ng:

• mga maling aral na “nakapakete” bilang espiritwal na karunungan, mga tradisyon ng tao na salungat sa katotohanan ng Bibliya,o mga “pananaw ng mundo” na tumatangging kilalanin si Kristo bilang Diyos.

Bakit natin kailangang maging matatag sa katotohanan?

• Dahil kay Kristo nananahan ang kapuspusan ng pagka-Diyos sa anyong pisikal.

• Hindi Siya simpleng guro o propeta—Siya mismo ang Diyos na nagkatawang-tao.

• Kung Siya ang ating Panginoon, Siya dapat ang ating sukatan ng katotohanan. Hindi ang opinyon ng mundo. Hindi ang damdamin. Hindi ang tradisyon.

1. May mga ideya bang naririnig mo na maganda sa pandinig pero hindi tugma sa Salita ni Kristo?

2. Paano mo mas mapapalalim ang iyong pagkaunawa sa katotohanang nasa Kanya?