June 18, 2025 | Wednesday
UVCC Daily Devotion
Written by: Victor Tabelisma
Embedded Files
July 2025 Daily Devotions
Mag-Ugat, Magpatatag, Maumapaw
Mag-Ugat, Magpatatag, Maumapaw
Today's Bible Verses: Colossians 2:7 FSV
Mag-ugat kayo at magpatatag sa kanya. Patuloy kayong lumago sa pananampalataya gaya ng itinuro sa inyo, at mag-umapaw kayo sa pasasalamat.
Pagmumuni-muni
Ang buhay-Kristiyano ay hindi stagnant o nakatigil. Ito ay isang patuloy na paglago at pagpapatatag kay Kristo. Sa talatang ito, ginamit ni Pablo ang tatlong malalim na larawan:
Mag-ugat – Tulad ng halaman na kailangang lumalim ang ugat para manatiling buhay at matibay, tayo rin ay kailangang lumalim sa ugnayan natin kay Kristo. Ang isang mababaw na pananampalataya ay madaling matumba kapag may unos.
Magpatatag – Hindi sapat na may ugat; kailangan ding patibayin ang pundasyon. Sa bawat pakikinig sa Salita, panalangin, at pagsunod, tayo'y pinatitibay sa pananampalataya.
Mag-umapaw sa pasasalamat – Ang natural na bunga ng buhay na nakasentro kay Kristo ay pasasalamat. Kapag ang puso natin ay puno ng pagkilala sa kabutihan ng Diyos, lalabas ito sa ating pananalita, kilos, at ugali.
Hindi lang ito panawagan na lumago, kundi paanyaya na mabuhay nang may kagalakan at pasasalamat.
Pagninilay
Pagninilay
Kumusta ang “ugat” ng iyong pananampalataya? Lumalalim ba ito araw-araw?
Ano ang mga bagay na maaari mong ipagpasalamat sa Diyos ngayon?
Panalangin
Panginoon, salamat sa biyaya ng pananampalataya. Nais kong lumalim pa sa Iyo, magpatatag sa katotohanan ng Iyong Salita, at mag-umapaw sa pasasalamat araw-araw. Palakasin Mo ako, at gawin Mo akong matibay sa gitna ng pagsubok. Turuan Mo akong mamuhay nang may pusong laging nagpapasalamat. Amen.
Read Previous Devotions
Google Sites
Report abuse