Ang kaisipang naglilingkod kay Kristo ay galawang nakakapagpayaman sa pagkakaisa sa loob ng iglesia.

Ating alamin: Anong kaiisipan ang parehong nakalulugod sa Diyos at mataas ang pagtanggap mula sa mga tao? Ito ay ang kaisipang mapaglingkod kay Kristo. Tigil muna tayo saglit sa pagbabasa at pag-isipan pa natin ito ng mas malalim. Panandalian tayong manahimik at magbulay-bulay.

Sa pagpapatuloy, ang kaisipang mapaglingkod kay Kristo ay katotohang galing sa Biblia. Balikan natin ang verse 18, “Ang naglilingkod kay Cristo nang may ganitong kaisipan ay kinalulugdan ng Diyos at iginagalang ng mga tao.” Malinaw na ito’y naghihimok sa atin na ang katotohanang ito'y mas alamin. Tatlong paliwanag ang ating makikita para dito mula din sa mga katabing verses. Ito ang di paghatol sa kapwa (v.13), di pagiging dahilan ng pagkatisod o pagkakasala (vv.13,15), ang matuwid na pamumuhay, kapayapaan, at kagalakan na ipinagkakaloob ng Espiritu Santo (v.17). Mas magiging malinaw ito sa atin kung malalaman natin na ang halimbawang nakapaloob dito ay tungkol sa pagkain. Alam natin na hindi ito gawaing kasalanan katulad ng pagpatay o pagsisinungaling. Ngunit ito ay ginamit na halimbawa dahil tinuturo ng Biblia na ang kalayaan nating gumawa ng mga bagay-bagay na di naman kasalanan ay dapat pa ring may malalim na pagsaalang-alang ng kapakanan ng iba, lalo na ng kapwa kapatiran.

Mas isipin natin ngayon ang kapakakanan ng iba pang mananampalataya. Ito ay siguradong nagdadala ng makabuluhang at tunay na pagkakaisa

Aming Ama, nais namin makibahagi makabuluhang pakikiisa at pagkakaisa. Nalalaman namin na kailangan pala naming isasalang-alang ang kapakanan ng ibang mananampalataya. Nalalaman namin ngayon na ang kalayaang gawin ang mga bagay-bagay katulad ng pagkain ay dapat may pagsaalang-alang sa iba. 

Tulungan mo po kaming maging mabuting ehemplo na namumuhay sa paghahari ng Diyos at may kaisipang naglilingkod kay Kristo. Turuan mo kami na pagsikapang gawin ang mga bagay na makakapagdulot ng kapayapaan at makakapagpalakas sa isa't isa.

Salamat po Panginoon ito ang aming dalangin sa pangalan ng aming Panginoong Jesu Cristo. Amen!

1. Anong kaisipan ang parehong nakalulugod sa Diyos at mataas ang pagtanggap mula sa mga tao?

2. Ano ang pagsisikapan ng mga mananampalataya ayon sa verse 19? “Kaya't lagi nating pagsikapang gawin ang mga bagay na makakapagdulot ng kapayapaan at makakapagpalakas sa isa't isa.”

3. Papaano ang kaisipang naglilingkod kay Kristo ay magdudulot ng kapayapaan at makakapagpalakas sa isa't isa?