Pagmumuni-muni

Bilang mga anak ng Diyos na may bagong buhay kay Kristo, tinatawag tayong alisin ang mga ugaling hindi na bagay sa ating pagkatao. Tulad ng pag-aalis ng maruming kasuotan, ganito rin ang pag-aalis ng masamang ugali na hindi na dapat makita sa atin.

Ano ang mga kailangang alisin?

• Galit – Hindi ang makatwirang pagdaramdam, kundi galit na puno ng puot at paghihiganti.

• Kasamaan – Sama ng loob na humahantong sa masasamang intensyon.

• Masasamang hangarin – Nais manakit o maghiganti sa kapwa.

• Panlalait – Pagmamaliit at paninirang-puri sa iba.

• Malaswang pananalita – Mura, kabastusan, o mga salitang hindi kaaya-aya sa Diyos.

Mahalagang tandaan na hindi lang pisikal na kasalanan ang dapat alisin, kundi mga ugali at salita na sumisira sa ating ugnayan sa kapwa at sa ating patotoo bilang mga tagasunod ni Kristo.

Ang pag-alis ng mga ito ay hindi sa sariling lakas, kundi sa kapangyarihan ng Banal na Espiritu. Araw-araw, kailangan nating ipagdasal at sikaping mamuhay nang malinis, may malasakit, at may disiplina.

1. May galit o sama ka bang loob na matagal mo nang kinikimkim?

2. Paano mo mapapalitan ang masasamang pananalita ng mga salitang nagpapalakas at nagpapala?